प्रेस बिज्ञप्ति

मिति २०७१ मङ्सिर ८ गते धरौटी दिएर रिहा भएपछि डा.सि.के.राउत र निजको कार्यकर्तालाई  प्रहरीहरुले धरपकड गर्दै आएका कार्य प्रति हाम्रो ध्यानाकर्षण भएको छ. निज राउत बिशेष अदालतको मिति २०७१ असोज २८ गतेको आदेश अनुसार धरौटी नदिएकोले हाल सम्म पुर्पक्षको लागि थुनामा रहेका थिए. प्रहरीले आज मङ्सिर ९ बिहान १०/११ बजे तिर एक जना कार्यकर्ताको मोबाइल समेत खोसेको थियो. पुनः नेपाल भारत लजबाट धर्मलाल राय यादवलाई लगभग ५ जनाको समुहमा रहेको प्रहरीले पक्राउ गरेका छन्. यसरी अदालतको आदेशले तारेखमा रहेको व्यक्तिको स्वतन्त्रताको हरण गर्न मिल्दैन, संबिधान प्रदत्त मौलिक हक माथि आघात पर्ने गरी राज्यले शान्ति सुरक्षाको नाउमा स्वेक्षाचारी रुपले धरपकड गर्ने कार्यको हामी घोर भर्त्सना गर्दछौ. 

तसर्थ बिना कारण राज्यले समातिएको व्यक्तिलाई तत्काल रिहा गर्न तथा अन्य व्यक्तिलाई समेत धरपकड नगर्न अनुरोध गर्दछौ. 

तराई जस्टिस सेन्टर, 

काठमाडौ