अख्तियार दुरुपयोग अनुसन्धान आयोगका आयुक्त नियक्ति सिफारिस बदरको माग गर्दै सर्वाेच्चमा रिट दायर

अख्तियार दुरुपयोग अनुसन्धान आयोगका आयुक्त नियक्ति सिफारिस बदरको माग गर्दै आज सर्वाेच्च अदालतमा मुद्दा दर्ता भएका छ । रक्षाराम हरिजनले दर्ता गर्नु भएको उक्त रिट निवेदनको सुनुवाई चैत्त १९ गते तोकिएको छ ।
आयुक्तको सिफारिस नेपालको अन्तरिम संविधान, २०६३ को धारा १३(३), २१ र धारा ३३(घ१) को विपरित र एक जना पनि दलित, पिछडिएको क्षेत्र र अपांग समुदायको परेको भन्दै बदरको माग गरिएको हो र समानुपातिक समावेशी सिद्धान्त अनुरुप नियुक्त गर्न आदेश समेत माग गरिएको रिट निवेदनमा उल्लेख छ ।
संवैधानिक परिषदले अख्तियार दुरुपयोग अनुसन्धान आयोगको आयुक्तमा नियुक्तिको लागि पाँच जनाको नाम सिफारिस र संसदीय सुनुवाई विशेष समितिले मिति २०७१।१२।१६ गते प्रस्तावित पाँच आयुक्तको नाम अनुमोदन पनि गरेको थियो । आयुक्तमा दीप बस्न्यात, नवीन कुमार घिमिरे, गणेशराज जोशी, राजनारायण पाठक र डा. सावित्री गुरुङको नाम सिफारिस भएको थियो ।
उक्त पाँच जनामा ३ जना पहाडे बाहुन क्षेत्री पुरुष, १ जना मधेसी बाहुन र १ जना जनजाती महिला रहेको तर यथार्थमा डा. सावित्री गुरुङ पनि जनजाती समुदायको नभएर पहाडे बाहुन महिला नै भएको जिकिर गरिएको छ ।